Основачот на интернет страницата Викиликс и на истоимената австралиска полиитлка партија, Џулијан Асанж, на вчерашните избори не успеа да освои мандат во Горниот дом на Парламентот на Австралија, Сенатот, јави ИТАР-ТАСС.
Според се уште неофицијалните изборни резултата, Асанж освоил 25.666 гласа или 1,18 проценти.
Австралиските сенатори се избираат по сложениот систем на пренесување на гласовите, па се очекува пребројувањето на гласачките ливчиња да трае неколку дена.
На изборите за членови на Сенатот учствуваа 39 партии, а Викликс на Асанж се пласира на седмото место.
Инаку, на изборите за Долниот дом на австралискиот Парламент победи опозициската конзервативна Либерално-национална коалиција на Тони Абот, која освои 92 места во 150-члениот Претставничкиот дом, пред досега владејачката Лабуристичка партија, која доби 56 мандати.