Бомба експлодира денеска во Ирак на пат, по кој се движеле возила на дипломати од турскиот конзулат во Мосул, јави ИТАР ТАСС.
Во експлозијата нема повредени, нанесени се само штети на автомобилите.
Дипломатите, меѓу кои и конзулот Јозтурк Јилмаз, патувале со четири автомобили кон престолнината на Ирачки Курдистан, Ербил.
На истокот од Мосул непознати лица активирале експлозивно средство, поставено покрај пат. Целта на нападот се претпоставува дека бил конзулот, но неговото блиндирано возило ги заштитило патниците од експлозијата.