Девојче го нашле мртво во голема цевка, мајката очајна го тужи хотелот

Од:

Полицијата во Хјустон ја истражува смртта на осумгодишното девојче чие тело е пронајдено во голема цевка во хотелскиoт базен каде што таа пливала со семејството.

Институтот за форензички науки на округот Харис одлучи дека смртта на Алија Џејко е случајно давење.

Патолозите велат дека детето починало од давење и механичка асфиксија, кога некој предмет или физичка сила ќе спречи некој да дише.

Полицијата соопшти дека девојчето било пронајдено „во голема цевка во просторот на базенот“ и било прогласено за мртво на местото на настанот, пишува The Guardian.

Меѓутоа, нејзината мајка, Данијела Џејко, во понеделникот поднела тужба против хотелот, тврдејќи дека детето било вшмукувано во необезбеден отвор во системот за проток на базенот широк од 30 до 40 сантиметри.

Нејзиното тело подоцна било пронајдено на околу шест метри длабоко во цевката.

„Тие мораа да го скршат бетонот за да ја извлечат, да ја исечат цевката, тоа беше ужасно“, рече Ричард Нава, адвокатот на мајката.

Семејството на девојчето го тужи хотелот за повеќе од еден милион долари додека полицијата го истражува случајот.

Адвокатот на семејството изјави дека мајката „го вклучила алармот“ околу 14.50 часот веднаш штом сфатила дека нејзината ќерка ја нема.

„По избезумената потрага, таа побарала од персоналот на хотелот да ги види снимките од надзорните камери, но раководството го одбило нејзиното барање и објаснило дека полицијата ќе мора да биде присутна за да го види видеото од надзорот“, се вели во извештајот.

Мајката повикала полиција која го прегледала видеото. Снимката покажала дека девојчето исчезнало под вода и никогаш не излегло на површина.

Базенот бил испразнет и нејзиното тело било пронајдено „заглавено во цевките на неисправната опрема за базен“ во 23.30 часот.

Полицијата во Хјустон соопшти дека детективите „ги чекаат резултатите од обдукцијата за очигледното давење на дете“.

Би можело да ве интересира

Три лица загинаа во авионска несреќа во САД

(ВИДЕО) Нова драма во САД: Брод удри во мост, се излеа нафта, спасувачките служби го блокираа сообраќајот

Горан Наумовски

Волстрит порасна, но инфлацијата во САД не се намалува

САД се длабоко вознемирени од грузискиот закон за странски агенти

ВИДЕО: Девојче во САД злоставувано до смрт, таткот и маќеата ја држеле врзана во подрум

Катерина Ѓуровски

Израел: Одлуката на Бајден за оружјето испраќа погрешна порака до Хамас