Блокот од десничарки и религиозни партии во Израел на премиерот Бенјамин Нетанјаху ќе има мнозинство од еден пратеник во новиот парламент, пренесе ДПА, повикувајќи се на националното радио.
Според конечните резултати, последните преброени гласачки ливчиња, што биле пуштени од војниците, дипломатите и затворениците, на ултранационалистичката партија „Еврејски дом“ им обезбедија едно дополнително место во 120-члениот Кнесет.
Според претходните вчерашни податоци, десниот блок на Нетанјаху имаше 60 или точно половина од пратеничките места. Останатите 60 мандати беа поделени меѓу левичарските и центристичките партии.
Предвидено е Ценстрална изборна комисија официјалните резултати да ги соопшти денеска попладне. Ако тие потврдат дека блокот на Нетанјаху има мнозинство во новиот парламент, макар и кревко, тоа ќе му овозможи на израелскиот премиер да формира влада со посакуваните политички сојузници.