Десет лица беа убиени во Египет во бомбашки напад врз штаб на силите за безбедност и заседа на војници. Во нападот со автомобил бомба врз штаб во градот Ал Тор во Јужен Синај биле убиени пет лица.
Тоа беше извршено за време на средба на високи претставници. Најмалку 50 лица се повредени. Во експлозијата се нанесени тешки штети врз зградата на штабот и на канцелариите во соседството на гувернерот на провинцијата.
Се смета дека експлозивното средство било откриено во украден полициски автомобил. Во напад западно од Суецкиот канал беа застрелани пет војници, а уште еден е хоспитализиран во тешка состојба.
Засега не е преземена одговорност за ниту еден од двата напади. Исламистичките екстремисти во Египет ги засилија нападите врз државни објекти, отако армијата го собори од власт претседателот Мохамед Морси на 3 јули.