Десет членови на Ал Каеда избегаа од затвор во Јемен, соопштија денеска официјални лица од јеменската провинција Хадрамавт.
Затворските чувари во градот Сејџун интервенирале поради групна расправија, но затворениците успеале да ги совладаат, им го украле оружјето и ги врзале, по што избегале.
Истрагата покажала дека затворениците планирале бегство и дека во тоа биле вклучени и неколку чувари.
На социјалните мрежи е објавена потерница за бегалците.
Јеменскиот огранок на Ал Каеда се смета за еден од најопасните во светот.
Извор: МИА