Еден од фрагментите на авионот што се урна во регионот Твер, со кој управувал Евгениј Пригожин, се наоѓа на влезот во селото Куженкино, кое е на околу два километри од местото на несреќата, јавува руската државна новинска агенција РИА Новости.
Полицијата го опколи местото каде што се наоѓаат остатоците, а до него биле паркирани неколку автомобили на тајната служба, јави синоќа дописникот на РИА Новости. Полицијата ги запира автомобилите и ги испрашува возачите.
Руското Министерство за вонредни ситуации синоќа извести за пад на приватен авион Embraer Legacy во близина на селото Куженкино во Тверската област. Во авионот имало десет лица, меѓу кои и тројца членови на екипажот. Сите загинаа.
Според списокот на патници што го објави руската Федерална агенција за воздушен транспорт, во авионот се наоѓал и шефот на Вагнер групацијата, Евгениј Пригожин. Урнатиот авион и припаѓал на компанијата МНТ-Аеро ДОО, која е специјализирана за деловен транспорт.
Портпаролот на итната служба за РИА Новости изјави дека на местото на несреќата се пронајдени телата на осум лица.