Дефинитивно крај за УСАИД: „Готово е, благодарение на претседателот Трамп“

Од:

Стејт департментот денеска официјално го извести Конгресот на САД дека ја распушта Агенцијата на САД за меѓународен развој (УСАИД) и дека ќе преземе дел од функциите на УСАИД, јавува Си-Ен-Ен.

Реорганизацијата на УСАИД ќе биде завршена до 1 јули, објави Стејт департментот, со што ќе се запечати судбината на агенцијата која се бореше против сиромаштијата и е позната ширум светот.

Американскиот државен секретар Марко Рубио истакна дека вистинската странска помош може да ги унапреди националните интереси на САД, да ги заштити границите и да ги зајакне партнерствата со клучните сојузници, но УСАИД „за жал одамна отстапи од својата првична мисија“, објави веб-страницата на Стејт департментот.

„Благодарение на претседателот Трамп, таа погрешна и фискално неодговорна ера сега заврши“, нагласи Рубио.

Тој најави дека програмите за помош за странски земји ќе бидат пренасочени за директно да се усогласат со она што е најдобро за САД и нивните граѓани.

„Продолжуваме со основните програми за спасување животи и стратешки инвестиции кои ги зајакнуваат нашите партнери и нашата сопствена земја. Ова е уште едно ветување дадено и реализирано до американскиот народ“, рече Рубио.

Администрацијата на Доналд Трамп ја обвини УСАИД за лошо управување со парите на даночните обврзници и финансирање странски програми кои не се во интерес на САД.

Сегашни и поранешни вработени во УСАИД и експерти за помош тврдат дека агенцијата, иако има недостатоци, ги задоволува виталните хуманитарни потреби и ја поттикнува „американската мека моќ“.

Би можело да ве интересира

Катастрофа во Русија: Воз излезе од шините, изби голем пожар – густ црн чад над областа

Вучиќ во Њујорк со Нетанјаху: Отворена темата за склучување договор за слободна трговија

Естонија го активираше Член 4 од НАТО

Итна реакција на НАТО по влезот на руските воени авиони во Естонија

Станува сериозно: Руски борбени авиони влегоа во естонскиот воздушен простор, кружеа 12 минути

Холандија испраќа војници на првата линија во Украина