Данска денеска соопшти дека нејзината амбасада во Москва повеќе нема да прифаќа барања за визи или дозволи за престој, поради недостиг на персонал, откако Русија протера четворица дипломати и уште тројца вработени претходно овој месец.
Данското Министерство за надворешни работи во соопштение наведува дека не е можно да се одржи вообичаеното ниво на активност.
Тие наведуваат и дека сега приоритет е да им се пружи помош на данските граѓани и оти овој потег е привремен, но не е прецизирано колку ќе трае.
Потегот на Москва уследи откако Данска протера 15 вработени во руската амбасада во април и ги идентификуваше како разузнавачи, во согласност со сличните чекори преземени од другите земји од Европската унија.
Извор: МИА