Оваа година Данска ќе ја зголеми воената поддршка за Украина за околу 308 милиони евра, соопшти денеска данското Министерство за одбрана.
Донацијата е дел од сумата од околу 725 милиони евра, кои Копенхаген му ги испратил на Киев во форма на воена помош од почетокот на војната во Украина во 2022 година, објави Ројтерс.
Данскиот парламент, исто така, одлучи да одвои дополнителни 3,1 милијарди евра за тој фонд во периодот меѓу 2025 и 2027 година.
Оваа членка на НАТО ќе обезбеди средства за донации за Украина преку најавеното зголемување на инвестициите во одбраната до два отсто од БДП.