Владеачката Единствена Русија, смета дека казната од по две години за трите членки на групата „Пуси рајот“ е преостра. Руската православна црква бара милост.
Пресудата е поради перформансот „Богородице, протерај го Путин“.
И висок функционер на Путин оцени дека казната е превисока и најави дека последната одлука ќе биде кај Путин.
Сепак оцени дека пресудата е лекција дека државата ги штити правата на сите религиозни заедници.
Црквата која сега бара милост, претходно најостро ја осудуваше претставата и бараше остра казна.
Бројни познати личности, како Мадона, Пол Мекартни, Дени де Вито ја подржаа групата.
Протести поради судскиот процес се закажани во повеќе европски и светски градови.
Белата куќа изрази разочарување поради непропорционално високата казна.
Високата претставничка на ЕУ, Кетрин Ештон изјави дека овој случај се вклопува во трендот на пораст на политички мотивирани застрашувања и прогони на опозициските активисти во Русија.
ОБСЕ наведе дека постои опасност од загрозување на слободата на изразување.