Најмалку еден белоруски опозициски кандидат е избран за пратеник во Долниот дом на Парламентот, што е првпат во изминатите 20 години претседателот Александар Лукашенко во Парламентот да има политички противник, соопшти Централната изборна комисија.
Овој резултат нема да ја промени политичката слика на поранешната советска република, која САД ја сметаат за „последната диктатура во Европа“, но сигнализира дека властите прават некои отстапки пред западните барања за демократски промени.
Соопштувајќи ги резултатите за три од вкупно седум белоруски области, шефот на Комисијата, Лидија Јермошина изјави дека Ана Конопатскаја, членка на опозициската Обединета цивилна партија, освоила едно од 110-те пратенички места.