Четворица загинати во самоубиствен напад на ИД врз центарот на безбедносните сили во Рака

Од:

Четворица припадници на безбедносните сили предводени од Курдите се убиени денеска во самоубиствен напад на Исламската држава врз центарот на безбедносните сили во сирискиот град Рака, изјави портпаролот на Сириските демократски сили (СДФ), Фархад Шами.

Портпаролот на СДФ, поддржани од САД, изјави дека во нападот биле убиени двајца припадници на СДФ и двајца припадници на внатрешните безбедносни сили на регионот Асаџиш.

Тој додаде дека еден бомбаш самоубиец е убиен, а друг е приведен, како и дека нападот бил спречен.

Во 2014 година, терористичката организација Исламска држава презеде големи делови од Ирак и Сирија, вклучително и градот Рака, кој беше нејзин главен штаб, но откако го загуби последниот значаен дел од својата територија во Сирија во 2019 година, прибегна кон герилски напади.

Извор: МИА

Би можело да ве интересира

Сирија: Експлодира автомобил-бомба, најмалку 19 загинати

Aл Шара: Ни требаат четири до пет години да се подготвиме за избори

Ал Шара е именуван за претседател на Сирија

Ал Шибани: ЕУ презеде позитивен чекор одлучувајќи да ги ублажи санкциите кон Сирија

Ројтерс: ЕУ размислува за постепено укинување на санкциите за Сирија

Јавно е ликвидиран поранешен соработник на Башар ал Асад