Во денешните израелски воздушни напади врз Појасот Газа убиени се четири лица, меѓу кои и шестгодишно дете, соопштија палестинските здравствени власти.
Израелската армија соопшти дека нападот бил насочен кон еден припадник на Хамас.
Во вчерашниот израелски напад врз палестинската енклава вчера загинаа девет лица.
Според палестинските власти, откако стапи во сила примирјето помеѓу Израел и Хамас во октомври минатата година, во израелските напади загинале над 1.100 Палестинци.
Во истиот период загинале само четири израелски војници.