Четири лица се водат како исчезнати откако изби пожар на еден дански товарен брод во близина на брегот на Оман, соопшти денеска филијалата на данската шпедитерска група „Молер-Мерск“.
Инцидентот се случил вчера, а по пожарот евакуирани се 23 членови на екипажот и се префрлени на бродот „АЛС Церес“.
Но, огнот на товарниот брод се уште не е изгаснат и „ситуацијата е многу критична“.
Серен Тофт, претставник на фирмата „Молер-Мерск“ со седиште во Копенхаген, изјави дека денеска три бродови се пренасочени кон местото на несреќата, кои ќе помогнат во потрагата и спасувањето.
Тој додаде дека се уште не е позната причината за пожарот.