Четиринаесет лица загинаа откако денеска се преврте автобус во југозападниот дел на Пакистан поради неприлагодена брзина, соопшти полицијата.
Автобусот патувал кон јужниот пристанишен град Карачи од провинцијата Балочистан кога се се случи несреќата во градот Ласбела, изјави полицискиот службеник Имран Балоч за агенцијата ДПА..
Најмалку 10 лица, повеќето од нив во критична состојба, се на лекување во градската болница во градот.
– Бројот на загинати може да се зголеми, рече Балоч.
Лоши патишта, лошо одржувани возила и супстандарден режим за безбедност во сообраќајот предизвикуваат бројни несреќи во Пакистан. Повеќе од 5.000 луѓе годишно умираат во сообраќајни несреќи, покажуваат статистичките податоци на пакистанската Влада.