Четиригодишно американско девојче кое се лекува од рак е депортирано од САД

Од:

Три деца, државјани на САД, беа депортирани во Хондурас минатата недела со нивните мајки, вклучувајќи и едно четиригодишно девојче кое се лекува од метастатски рак, соопштија адвокатите на семејството и организацијата за граѓански и имигрантски права, објави Си-Ен-Ен.

Во еден случај, мајка била депортирана со своето двегодишно дете, додека во друг, мајка била протерана заедно со нејзините четиригодишни и седумгодишни деца, се вели во соопштението на Американската унија за граѓански слободи (ACLU) и Националниот проект за имиграција.

Според адвокатите и судските документи, сите жени и деца биле уапсени за време на рутински состаноци со службеници за имиграција во Луизијана, како дел од Програмата за интензивно појавување под надзор (ISAP).

Застапниците на семејството тврдат дека нивното протерување од САД покажува загрижувачки недостаток на правна заштита во услови на сè пожестоко ограничување на имиграцијата за време на администрацијата на Доналд Трамп.

„Сведоци сме на колапс на владеењето на правото во реално време“, рече Грејси Вилис, адвокатка и координаторка за одговор на рации во Националниот проект за имиграција, која го застапува двегодишното дете преку семеен пријател кој дејствува како тужител во тековниот судски случај.

„Тоа е длабоко загрижувачко, а овие случаи се јасна илустрација за тоа“, додаде Вилис.

Би можело да ве интересира

Реакција на Швајцарија после воведените царини од САД: Ова е полошо од најлошото сценарио

Иран: САД да ја надомести штетата од нападите врз иранските нуклеарни постројки

Русија е загрижена за заканата од нови напади врз иранските нуклеарни објекти

Само една земја може да ги запре Русите во Украина, а тоа не е Америка

САД и ЕУ постигнаа трговски договор

Горан Наумовски

Трамп: САД и ЕУ имаат добри шанси да постигнат трговски договор