Израелската армија се согласи на четиричасовно примирје денеска од 12 часот до 16 часот по Гринич. Прекинот на огнот нема да се применува во зоните во кои израелските војници учествуваат во операции, се вели во соопштение на израелската армија.
Палестински извори наведуваат дека во израелско гранатирање на Појасот Газа, денеска загинале 67 луѓе. Последните жртви се во јужниот град Хан Јунис. Меѓу нив, четири се жени.
Агенцијата на ОН за помош на палестинските бегалци, ја обвини израелската армија за сериозно непочитување на меѓународното право по гранатирањето училишта во Појасот Газа.