Најмалку четири лица загинаа, меѓу кои две деца, во експлозија на бензинска пумпа во Чеченија.
„Експлозија на резервоар за гас предизвика пожар на станица во Грозни“, соопшти руското Министерство за вонредни ситуации.
Како што се додава во соопштението, пожарот е изгаснат.
Според видеото што го објави Министерството, од експлозијата целосно е уништена бензинската пумпа. Интервенирале повеќе од 30 пожарникари и спасувачи со седум возила.
Грозни е главен град на Чеченија и се наоѓа на околу 1.500 километри јужно од Москва.
Регионалните власти објавија дека е покрената истрага.