Бројот на загинати во силниот земјотрес што вчера ги погоди Филипините достигна 107 лица, а спасувачките екипи продолжуваат да се борат за животот на затрупаните под урнатините, пренесува ДПА.
Речиси три милиони лица беа погодени од земјотресот со интензитет од 7,2 степени по Рихтер, што го погоди централниот остров Бохол, на 640 километри јужно од Манила.
Најмалку 97 лица загинаа во провинцијата Бохол, а други 10 на соседните острови Себу и Сикихор. Вкупно 276 лица се повредени, според податоците на националната агенција за управување со природни катастрофи.