Бројот на загинати во Полтава од нападот на руските сили со балистички ракети се зголеми на 47, ранети се 206, објави сопругата на претседателот на Украина, Олена Зеленска на платформата Х.
„Моето најдлабоко сочувство до семејствата на загинатите и повредените во рускиот ракетен напад врз Полтава. Ова е неверојатна трагедија за цела Украина“, рече Зеленска.
Според неа, руски проектили погодиле образовна институција и болница.
“Засега се знае за 47 загинати и 206 ранети. Русија ни го одзема највредното нешто – животот. Ова никогаш нема да го заборавиме”, нагласи првата дама.
Руската армија денеска ја нападна Полтава со две балистички ракети, а според последните податоци загинаа 47 лица, а повеќе од 180 се повредени.