Бројот на Кинези намален првпат по 1961

Од:

Бројот на Кинези падна минатата година за првпат од 1961 година, историска пресвртница што го означува почетокот на, најверојатно, долгиот период на опаѓање на кинеското население што би можело да предизвика Индија да стане најнаселена земја во светот во 2023 година. На крајот на 2022 година, Кина имаше 1,41175 милијарди жители во споредба со 1,41260 милијарди една година порано, објави Државниот завод за статистика.

Стапката на наталитет беше 6,77 новороденчиња на 1.000 луѓе, што е намалување од 7,52 во 2021 година. Ова е најниската стапка на наталитет досега. Кина, исто така, имаше највисока стапка на смртност од 1976 година – 7,37 смртни случаи на 1.000 луѓе, од 7,18 во 2021 година.

На долг рок, експертите на ОН предвидуваат дека бројот на Кинезите ќе се намали за 109 милиони до 2050 година, што е тројно повеќе од прогнозата за 2019 година.

Демографскиот пад во голема мера е резултат на кинеската политика за едно дете од 1980 до 2015 година, како и на огромниот трошок за образование, поради што многу Кинези имаат само едно или ниту едно дете. Домашните демографи веруваат дека Кина ќе старее пред да се збогати, што ќе доведе до забавување на економијата поради падот на приходите и зголемување на јавниот долг поради зголемените трошоци за грижа за постарите граѓани.

Строгите мерки против Ковид-19 кои важеа три години, а потоа и наглото опуштање што ги наполни болниците дополнително придонесоа за демографски пад, велат експертите.

Иако локалните власти воведоа мерки во 2021 година за да ги охрабрат луѓето да имаат повеќе деца, вклучувајќи даночни олеснувања, подолго породилно отсуство и субвенции за домување, овие мерки не се очекува да го променат трендот на долг рок.

Би можело да ве интересира

Силен земјотрес ја погоди Кина

НАТО и се закани на Кина

Најмалку четири лица се исчезнати во поплавите во Кина

Адидас истражува случај на корупција во Кина, проценет на стотици милиони евра

A1on

„Војната“ помеѓу ЕУ и Кина официјално започна

(ВИДЕО) Американски професори се избодени со нож во Кина

Горан Наумовски