Британската Влада планира да вгради одреден број шпионски направи на телекомуникациски мрежи со цел да надгледува како нејзини граѓани ги користат сервисите како што се Фејсбук и Твитер.
Намерата на британската Влада е наведена во извештај кој беше објавен од парламентарниот комитет за безбедност и шпионажа.
Целта е да се надгледува активноста на речиси се што Британците прават на интернет – од разговори со семејството преку Скајп до посета на порнографски страници.
Британската Влада се правда дека пристапот до комуникациски податоци е исклучително важен за борбата против тероризмот и други видови криминал. Тие тврдат дека главна цел им е да имаат увид во податоците кој испраќа пораки, кога и како ги испраќа и кој ги прима. Клучен предизвик е тие податоци Владата да ги добие од компании од странство кои можеби не сакаат да одобрат барања на британските разузнавачки агенции, јавуваат британски медиуми.