Домот на општините на британскиот Парламент вчера го одобри предложениот од владата закон за тајни судски процеси против лица, осомничени за тероризам.
Законот, меѓу другото, ќе овозможи значително олеснување на работата на британските тајни служби за прислушување на телефонски разговори и пресретнување на електронска пошта.
Новата мерка беше изгласана од мнозинството пратеници. Таа беше за првпат разгледана во јули 2005 година по терористичките напади во Лондон. Во серијата експлозии, извршени во метрото и јавни автобуси, загинаа над 50 лица.
Мнозинството пратеници сметаат дека тајните судски процеси треба да се водат само во случаи, кога прашањето на националната безбедност е поважно од организирањето на отворени судски процеси.