Информацијата дека во Сирија е употребено хемиско оружје ја загрижи Велика Британија, изјави британскиот министер за надворешни работи, Вилијам Хејг.
Тој наведе дека таквите тврдења под итно треба да бидат истражени и проверени и дека тие што ја дале наредбата за употреба треба да одговараат.
Британскиот министер повтори дека во парламентот не е донесена одлука за вооружување на сиријските бунтовници и нагласи дека Британија и Франција се убедени дека треба да се измени или дури и да се укине ембаргото за увоз на оружје, кој го воведе ЕУ.
Хејг, пред тоа детално во писмена форма им објасни на пратениците за помошта која Британија им ја упати на Сиријските бунтовници, вклучувајчи пет блиндирани возила, 20 пакувања панцири, 107 генератори и 130 батерии на соларна енергија.
Елена Георгиевска