Британец синоќа изврши самоубиство, фрлајќи се од Ајфеловата кула во Париз, соопшти француската полиција.
Тој синоќа, со ранец на грбот, бил забележан од безбедносните камери како се качува по Ајфеловата кула, која е висока 324 метри. На местото веднаш пристигнале полицајци и пожарникари, кои го блокирале реонот. Британецот долго време разговарал со еден од пожарникарите, додека се наоѓал меѓу вториот и третиот кат на кулата, и на крајот скокнал од неа.
Ваквото самоубиство е познато како „скок на ангелот“. Тоа се случува многу често, но ретко некој успеал да се искачи на кулата на оваа височина како Британецот.