Десетици јеменски војници се убиени откако борци на „Ал Каеда на Арапскиот Полуостров“ нападнаа воена база во пристанишниот град Мукала, објави телевизискиот канал „Ал Арабија“.
Според локални жители, екстремистите убиле најмалку петмина војници и извршиле претрес во магацини за муниција. Безбедносните сили побегнале во паника од базата во провинцијата Хадрамаут, чиј главен гард е Мукала. Борците од јеменскиот огранок на Ал Каеда вчера го презедоа затворот во градот и ги ослободија сите затвореници, осудени за тероризам.
Мукала се наоѓа на Арапското Море, на околу 500 километри источно од Аден, каде бунтовниците од шиитското движење Хути и нивни сојузници се борат со силите на претседателот на Јемен, Абд Рабу Мансур Хади.