Конгресот за локални и регионални власти на Советот на Европа ќе работи на стратегија за борба против радикализацијата во градовите и регионите на земјите членки на оваа паневропската организација, јави допиосникот на МИА од Стразбур.
Во извештајот претставен од страна на пратениците Јозеф Нојман од Германија и Берт Бувместер од Холандија, Конгресот се повикува да ги консолидира своите активности во оваа област со донесување на методологија за промоција на плурални и инклузивни и културно разновидни општетсва во Европа и за воведување на концепт на „меѓукултурен дијалог“ во своите иницијативи за промоција на дијалогот меѓу различните култури и религии.
Со усвоената резолуција се повикуваат локалните и регионалните претставници да придонесат за овој дијлаог преку ресурсите на системот за организирање на меѓукултурни и меѓурелигиски активности.
Документот, исто така, повикува на приклучување кон Сојузот на европските градови против насилниот екстремизам, во врсак со кој Конгресот и Европскиот форум за урбана безбедност ќе одржат Самит на градоначалници на 9 ноември 2016 во холандскиот град Ротердам.