Бомбаш-самоубиец, за кого се сомнева дека е од редовите на Ал каеда, се саморазнесе денеска во пристанишниот град Аден на југот на Јемен, усмртувајќи пет јеменски војници, изјави неименуван безбедносен претставник, а очевидци тврдат дека во нападот десет лица се ранети.
Нападот бил насочен врз млади воени регрути кои чекале автобус пред воен контролен пункт на северот на градот, откако напаѓачот влегол меѓу нив.
Засега никој не ја презеде одговорноста за нападот, но џихадистите во минатото извршуваа такви бомбашки напади.
Џихадистичките групи не се опфатени со примирјето во Јемен, кое почна вчера меѓу завојуваните страни во земјата.