Во шпанскиот град Сарагоса експлодира бомба поставена во катедралата „Дева Марија Пиларска“, која е една од најпопуларниите религиозни и туристички атракции во земјата.
-Експлозијата предизвика материјална штета, но нема повредени, рече претставник на локалните власти. Тој изјави дека ниту една група не ја презеде одговорноста за експлозијата, а полицијата ги испитува остатоците од експлозивната направа, пренесуваат американските медиуми.
Експлозијата во Катедралата „Дева Марија Пиларска“ се случи само три дена пред годишниот Пиларски фестивал во Сарагоса, што привлекува повеќе десетици илјади лица.