Американскиот државен секретар Ентони Блинкен денеска изјави дека Русија е одговорна за смртта на опозицискиот политичар Алексеј Навални, доколку веста за неговата смрт е точна.
„Прво и основно, ако оваа вест е вистинита, нашите мисли се со неговата сопруга и неговото семејство“, рече Блинкен во Минхен, каде што присуствува на безбедносна конференција, пренесува Ројтерс.
Тој додаде дека смртта на Навални во руски затвор и „фиксацијата и стравот од еден човек ја истакнуваат слабоста и гнилието во срцето на системот што го изгради Путин“.
„Русија е одговорна за ова. Ќе разговараме со многу други земји кои се загрижени за Алексеј Навални, особено ако се потврди дека овие извештаи се вистинити“, рече Блинкен.
Канцеларијата на Федералната поправна служба на Русија за автономниот округ Јамало-Ненец објави претходно денеска дека Навални се чувствувал лошо по прошетката и изгубил свест, по што бил неуспешно реанимиран, а се утврдува образецот на смртта. Навални одлежа 30-годишна затворска казна, а беше познат како остар критичар на Кремљ.