Роман Баклазов, бизнисмен и волонтер за доставување храна во украинскиот град Керсон, бил заробен од Русите 54 дена. Во обид да го „скршат“, го мачеле со електрошокови и го принудувале да се нарече нацист.
„Повеќето постојано носеа маски. Сега не би можел да ги препознаам моите насилници“, изјави 41-годишниот Роман за „Политико“ и додаде дека освен тортура, ги принудувале да ја научат руската химна и да читаат проруски книги“.
Зад злоупотребата стои ладнокрвна, пресметана желба да се избрише украинскиот идентитет, пишува весникот.
Вејн Џордаш, партнер во меѓународната адвокатска фирма за човекови права „Глобал Рајтс Комплианс“, вели дека како обвинител за воени злосторства и тој бил шокиран од методите.
„Овие злосторства не се изолирани, тие не се резултат на прекумерна сила од страна на воените единици кои дејствуваат самостојно“, изјави Џордаш за „Политико“.
Тој додава дека злосторствата против човештвото се клучен дел од воената стратегија на Русија. Според него, начинот на работа на Кремљ се состои од три фази.