Германската Влада планира во следните четири години значително да ги зголеми пензиите, објави „Bild“.
Весникот не напоменувајќи за извор на веста, тврди дека се очекува Владата на 28-ми ноември да одобри зголемување на пензиите.
Конзервативната Влада планира зголемување на пензиите за 8,27 отсто во западните покраини до 2016-та година и 11,01 отсто во покраините кои некогаш беа во состав на источна Германија.
„Bild“ објави дека во 2013-та година пензионерите во источните покраини ќе добијат пензии повисоки за 3,49 отсто што е најмногу од 1997-ма година додека во западните само еден отсто, а во 2015-та – 2,55 отсто. Доколку биде потврдено, тоа ќе биде најголемо зголемување на пензиите од 1993 година.