Суперѕвездата Бијонсе се појави на сцената на предизборниот митинг на Камала Харис во Хјустон, не за да пее, туку за да го поддржи претседателскиот кандидат на Демократската партија во клучниот момент пред изборите на 5 ноември.
Бијонсе, која е родена во Хјустон, се појави на сцената со овации од толпата од околу 30.000 луѓе на кампањата на потпретседателката Харис за правата на абортусот. Таа беше придружувана од колега од поранешната група Destiny’s Child. На насобраните им се обрати неколку минути.
„Не сум овде како ѕвезда. Не сум овде како политичар. Тука сум како мајка. Твојата слобода е твое право дадено од Бога, твое човеково право“, изјави Бијонсе.
Потоа ја најави Харис, која излезе на сцената со песната која стана химна на нејзината изборна кампања: „Слобода“ од албумот на Бијонсе „Лимонада“ од 2016 година. Бијонсе долго ја прегрна потпретседателката на земјата пред да ја напушти сцената.
Водството што Харис го имаше пред републиканскиот противкандидат Доналд Трамп во текот на летото практично исчезна, според предизборните анкети на национално ниво.
Сепак, таа ужива значително водство пред Трамп кога станува збор за женските гласачи, кои според повеќето анкети сочинуваат огромен дел од публиката на Бијонсе.