Поранешниот организатор на екстремистичката група Proud Boys, Џозеф Бигс, е осуден на 17 години затвор поради раководење на нападот на американскиот Капитол.
Нападот беше организиран за да се спречи мирен трансфер на власта по победата на Џо Бајден над Доналд Трамп на претседателските избори во 2020 година.
Казната на Џозеф Бигс е втората најдолга меѓу стотиците кривични случаи поднесени по немирите во Капитол во 2021 година.
Претходно на 18 години затвор беше осуден Стјуарт Роудс, основачот на екстремистичката организација Oath Keepers.
Федералните обвинители бараа 33 години затвор за Бигс, кој помогна да се наведат десетици членови и соработници на „Гордите момчиња“ да маршираат кон Капитол на 6 јануари 2021 година.