Беспилотни летала го напаѓаат градот Севастопол на Крим, а противвоздушната одбрана веќе соборила два авиони, изјави денеска гувернерот на градот Михаил Развозаев.
„Нашата противвоздушна одбрана работи во моментов. Во тек е напад со беспилотни летала. Според прелиминарните информации, веќе се соборени два дрона. Сите сили и служби се во подготвеност“, напиша Развозаев на Телеграм, пренесе агенцијата ТАС С.
Тој додаде дека цивилните згради не се оштетени.
„Ве молиме останете смирени“, рече гувернерот.
Претходно над Севастопол беа соборени дронови на 1 и 8 ноември, потсети руската агенција.