Поранешниот италијански премиер Силвио Берлускони вети дека доколку победи на изборите ќе го укине непопуларниот данок на имот, кој го воведе владата на Марио Монти.
Берлускони ги претстави контурите на “договорот” со Италијанците, во кој вети бројни реформи и мерки кои би им помогнале на неговите сонародници да се справат со длабоката рецесија и рекордна невработеност меѓу младите, која изнесува 37 отсто.
Поранешниот премиер, за рецесијата го обвини воведувањето данок на престој, наведувајќи дека поради него е намалена вредноста на имотот, продажбата на недвижнини е запрена, како и дека сериозно е попречена изградбата на индустријата.
Според анкетите на јавното мислење, коалицијата на десниот центар на Берлускони, моментално заостанува зад левицата за околу 27 до 38 проценти.