Американскиот актер Бен Афлек ја отфрли можноста дека ќе се кандидира за сенаторското место на Џон Кери, номиниран минатиот петок за државен секретар за вториот мандат на Барак Обама.
Афлек, кој е и режисер, ја исклучи можноста да биде кандидат на демократите за сенатор од државата Масачусетс. Тој призна дека „многу ја сака таа држава, но таму има феноменални личности, кои би се бореле за испразнетото место на Џон Кери во Сенатот“.
Афлек истакна дека САД ќе имаат „одличен државен секретар во личноста на Џон Кери“.