Се поголем број фирми во Белгија се жртви на хакери, кои ги крадат податоците на нивните клиенти, а потоа бараат откуп за да ги вратат.
Последна жртва на хакерите е интернет-провајдерот „Њумерикабл“, кој дејствува на територијата на Брисел и на Лукесмбург. Хакери од групата „Рекс Мунди“ бараат откуп од 22.000 евра за да ги вратат податоцина на 6.000 идни клиенти на провајдерот.
Податоците биле украени од интернет-страницата на фирмата, каде биле доставени молбите за приклучување кон нејзината мрежа. Хакерите не продреле во информациите на постоечките клиенти.
„Њумерикабл“ добил рок од една недела за да ја исплати бараната сума на хакерите. Рокот истекува в среда.
Ако хакерите бидат откриени ним ќе им се суди за уцена и за членство в организирана криминална група, за што можат да бидат осудени и на до 15 години затвор.