Белата куќа предлага запленетиот имот на руските олигарси да се пренамени за помош на Украина

Од:

Американскиот претседател Џо Бајден бара од Конгресот нови овластувања за запленување и пренамена на имотот на руските олигарси, како дел од новите мерки за помош на украинската одбрана.

dobivaj vesti na viber

Според американски медиуми, Бајден формално денеска ќе побара милијарди долари дополнителни трошоци што ќе бидат наменети за снабдување на војската на Украина, зајакнување на нејзината економија и поддршка за милионите бегалци кои ја напуштија земјата поради руската инвазија. Тој, исто така, ќе бара од Конгресот и интензивирање на санкциите кон руската Влада.

Бајден, исто така, ќе побара од Конгресот да дозволи федералната Влада да ги користи приходите од продажбата на запленетите средства на санкционираните руски олигарси за да му помогне на народот на Украина.

Во виртуелното обраќање до лидерите на Меѓународниот монетарен фонд и Светска банка минатата недела, украинскиот претседател Володимир Зеленски повика приходите од санкционираниот имот и резервите на Централната банка да се искористат за компензација на загубите на Украина.

Извор: МИА

Би можело да ве интересира

ВИДЕО: Руските сили нападнале повеќе цели со дронови камикази

А1он

Патрушев: НАТО воено ја помага Украина и сака борбите да ги префрли на руска територија

А1он

Руските сили гранатираа повеќе од 27 населени места во Украина

Горан Наумовски

Драматична ескалација на војната во Украина

Млад боксер загина во војната во Украина, заробен за време на руски напад во Мариупол

А1он

Германски дипломат: НАТО не е обврзан да и дава помош на Украина, бидејќи не е членка на алијансата

А1он