Портпаролот на Советот за национална безбедност на Белата куќа Џон Кирби денеска изјави дека мал број американски војници се наоѓаат во американската амбасада во Украина.
Во одговор на прашање на Фокс њуз за наводно објавените документи на Пентагон, во кои се вели дека американските специјални сили дејствуваат во Украина, Кирби рече дека нема да зборува за специфики и точни бројки.
„Но, да, мал број војници се присутни во американската амбасада и тие работат со канцеларијата на одбранбеното аташе за да ни помогнат да го прегледаме материјалот што доаѓа и излегува од Украина“, рече Кирби.