Басеску „преживеа“

Од:

Трајан Басеску останува претседател на Романија.

Референдумот, што го распиша новата романска влада со цел да го симне од власта, не успеа заради недоволниот одзив на избирачите.

Централната изборна комисија соопшти дека на референдумот излегле 45,92 отсто од запишаните избирачи, а за неговиот успех беше неопходно на избирачките места да се појават барем половина од гласачите.Сепак од оние што гласале, 87% биле за заминување на Басеску.

„Романците го отфрлија државниот преврат на 256-те пратеници на чело со премиерот Виктор Понта и привремениот претседател Крин Антонеску. Романците одлучија за својата судбина, правејќи го референдумот невалиден“,изјави Басеску.
Одлуката на Уставниот суд за референдумот ќе се почитува од левоцентристичкото мнозинство, изјави привремениот претседател Крин Антонеску.

Романскиот премиер Виктор Понта изјави дека никој не може да ја занемари волјата на милиони луѓе, кои гласаа на вчерашниот референдум за отстранување од власта на претседателот Трајан Басеску.

Би можело да ве интересира

Романија: Беспилотно летало забележано во Тулчеа, активирана е авијацијата

Земјотрес со јачина од 3,2 степени ја погоди Романија

Земјотрес во текот на ноќта ја погоди Романија

Горан Наумовски

Бугарија и Романија целосно влегуваат во Шенген од 1 јануари следната година

Австрија ќе го укине ветото за прием на Романија и Бугарија во Шенген

Романците пред нов историски „референдум“