Романскиот претседател Трајан Басеску изјави дека по заканите на рускиот вицепремиер Дмитриј Рогозин, посетата на романскиот премиер Виктор Понта на Русија, би била неумесна, пишува денеска весникот „Адервул“.
Басеску ја коментираше изјавата на рускиот вицепремиер Дмитриј Рогозин, кој по забраната да премине со авион преку воздушниот простор на Романија, објави дека следниот пат ќе лета со бомбардерот ТУ-160.
Романското МНР оцени дека зборовите на рускиот вицепремиер се многу опасна закана, особено во „актуелниот регионален контекст“.
Романскиот претседател рече дека заканите на Рогозин веројатно биле дадени под дејство на алкохол, пишува „Адервул“.
Басеску истакна дека не може да ја смета изјавата на Рогозин за официјална руска позиција.