Генералниот секретар на Обединетите нации Бан Ки-мун го осуди нападот врз универзитетот во сирискиот град Алепо и побара брза и целосна истрага на инцидентот.
– Планираната употреба на оружје против цивили и цивилни објекти е воено злосторство. Таквите напади се недозволиви и треба да бидат под итно прекинати, се наведува во писмената изјава на Бан Ки-мун.
Во нападот во Алепо, кој се случи во вторникот, според Сириската опсерваторија за човекови права загинале најмалку 83 лица, а над 150 се повредени, од кои некои се во критична состојба.
Режимот на претседателот Башар ал Асад и опозициските сили меѓусебно си ја префрлуваат одговорноста за инцидентот во северниот сириски град.
САД го осудија нападот врз универзитетскиот кампус во Алепо и го обвинија режимот на Асад дека извршил воздушни напади.
– САД се шокирани од смртоносниот напад на Владата врз универзитетот во Алепо. Според очевидци авиони на режимот извршиле воздушни напади, изјави портпаролот на Стејт департментот Викторија Њуланд.