Фалсификаторот на пасоши за потребите на Исламска држава, Алжирецот Џамал Вали, е уапсен во Австрија, јавува Танјуг.
Вали наводно ги фалсификувал пасошите кои ги користеле припадниците на ИД, оние кои го извршија терористичкиот напад во Париз.
Со тие документи тие ја поминале и полициската контрола во Австрија.
Салах Абдеслам и двајца терористи, кои во септември, минатата година, престојувале во Австрија, со фалсификувани документи ја поминале контролата на австриската полиција.
И покрај европските налози за апсење, Вали патувал ширум Европа, а уапсен е на Бренер, на преминот кон Италија.
„Изработката на документите“ на Вали, очигледно била многу добра поради што полицијата не се посомневала во лажните пасоши и ги пуштала корисниците низ контролата.
Полицијата претпоставува дека Вали пробал да побегне од Белгија и да се сокрие во Италија, заедно со својата сопруга.