Сериозните неуспеси на израелската армија доведоа до смрт на седум работници на хуманитарната организација World Central Kitchen (WCK), меѓу кои и државјани на Австралија, Канада, Полска, Велика Британија и САД, во напад со беспилотно летало врз хуманитарен конвој во Појасот Газа на 1 април, како и нивниот палестински колега, се вели во извештајот од истрагата на австралиската влада кој е објавен денеска.
Австралиската влада посочува дека истрагата заклучила дека израелските одбранбени сили (ИДФ) не ги следеле процедурите и направиле грешки во идентификацијата и одлучувањето, пренесе Би-Би-Си.
Австралискиот министер за надворешни работи Пени Вонг рече дека австралиската влада ќе побара целосна одговорност за одговорните за инцидентот, истакнувајќи дека израелскиот воен јавен обвинител допрва треба да одлучи за понатамошни дејствија.
ИДФР започна внатрешна истрага по силен меѓународен притисок и отпушти високи офицери откако призна дека нападот врз работниците на WCK бил „голема грешка“.
Конвојот беше погоден во градот Деир ал Балах во Појасот Газа кога израелските оператори со беспилотни летала не ги почитуваа правилата и ги помешаа автомобилите на WCK со вооружени лица на Хамас.
WCK побара независна истрага за нападот. Набргу по нападот, австралиската влада го назначи поранешниот началник на австралиската армија Марк Бинскин за специјален советник за да го истражи убиството на работникот на WCK.
Повеќе од 250 хуманитарни работници се убиени во Појасот Газа од 7 октомври минатата година, кога почнаа судирите меѓу Израел и Хамас.