Австралија, следниот претседавач со Советот за безбедност на Обединетите нации ја поддржа евентуалната операција врз Сирија поради употребата на хемиско оружје.
Шефот на австралиската дипломатија Боб Кар изјави дека ако се докаже дека сирискиот режим употребил хемиско оружје против цивилите светот треба да реагира дури и ако ОН не даде согласност.
– Ние сакаме одговор со дозвола на ОН. Но, ако тоа не е можно, ужасот една влада да употреби хемиско оружје врз сопствениот народ и воопшто употребата на хемиско оружје во какви биле услови, ја оправдува реакцијата, посочи Кар.
Австралија, близок сојузник на САД, го презема претседателствувањето со СБ на 1 септември.