Авион на компанијата „ИзиЏет“, кој летал од Женева кон Приштина, морал принудно да слета на аеродромот во Рим поради инцидент со патник која ја претепал стјуардесата бидејќи „не му донела сендвич“.
Авионот морал да слета поради разбеснетиот патник, кој прво почнал вербално да го напаѓа персоналот, а потоа и физички се пресметал со стјуардесата.
Очевидец раскажал дека насилникот викал на цел глас дека е гладен и со часови чека да добие сендвич.
– Прво и викаше на стјуардесата, а потоа ја удри. Кога таа падна на подот, тој не престана туку продолжи да ја удира, тврди очевидецот.
Патниците интервенирале за да и помогнат на стјуардесата, а пилотот одлучил да го приземји авионот во Рим од безбедносни причини.
Италијанската полиција веднаш по слетувањето го упасила насилникот, а останатите 180 патници заминале за Приштина со друг авион.