Израелскиот министер за надворешни работи Авигдор Либерман поднесе денеска оставка, откако му беа покренати обвиненија за измама и злоупотреба на функцијата.
– И покрај тоа што знам дека не сум извршил никакво криминално дело… одлучив да поднесам оставка од мојата функција министер за надворешни работи и вицепремиер, рече Либерман во изјава испратена преку електронска пошта. Тој изрази надеж дека брзо ќе го „исчисти“ своето име.
Според истражувањата на јавното мислење во Израел, владејачката десница на премиерот Бенјамин Нетанјаху и Авигдор Либерман ќе победи на претстојните предвремени парламентарни избори на 22 јануари.
Засега не е познато дали повлекувањето на Либерман ќе наштети на нејзините шанси.