Авганистанската политичарка и поранешна пратеничка Мурсал Набизада (32) и нејзиниот телохранител биле застрелани вчера во нејзиниот дом во Кабул, соопшти полицијата.
Набизада беше една од ретките женски претставнички кои останаа во Кабул откако талибанците ја презедоа власта во август 2021 година, пишува Би-Би-Си.
Нејзиниот брат и уште еден чувар биле ранети при вчерашниот напад.
Портпаролот на полицијата во Кабул, Калид Задран изјави дека безбедносните сили започнале сериозна истрага за случајот.
Поранешните колеги на авганистанските политичари ја опишуваат како „бестрашен шампион на Авганистан кој одби можност да ја напушти земјата“. Откако талибанците се вратија на власт во 2021 година, жените во Авганистан беа отстранети од речиси сите области на јавниот живот.
Поранешната пратеничка Маријам Солејманхил вели дека Набидаза била „силна, отворена жена која се залагала за она во што верувала, дури и кога се соочувала со опасност“.
„Иако и беше понудена можност да го напушти Авганистан, таа одлучи да остане и да се бори за својот народ“, напиша на Твитер.